Ёки ҳа "пул ўлсина, пул ўлсин..."
Париж клуби ҳужумчи билан 2025 йилгача мўлжалланган янги “юзлаб миллионларга бой” шартнома имзолаганини маълум қилди ва ўз тассуротларини қуйидаги тарзда баён қилди: «ПСЖ»даги саргузаштимни давом эттиришдан жуда хурсандман. Парижда қоламан, менинг шаҳрим! Бу — менинг уйим. Умид қиламанки, барчамиз яхши кўрадиган иш билан шуғулланишда давом этамиз — биргаликда унвонлар ютиш. Раҳмат!».
Чцнончи, Клиан катта маош (йилига 100 млн евро) ва имзо бонусидан (300 млн евро) ташқари клубнинг қарорларида ҳам катта роль ўйнайди.
Шу ўринда айтиш лозимки, кейинги мавсумда «ПСЖ» бош мураббийи бўлишга Зинедин Зидан асосий номзод ҳисобланади ҳамда спорт директори Леонардо эса клубни тарк этади. Шунингдек, парижликлар Неймарни сотишга ва Усмон Дембеле билан шартнома имзолашга ваъда беришган.
Эслатиб ўтамиз, аввалги келишув шу йилнинг 30 июнигача мўлжалланган эди. Мбаппе 2018 йилдан буён «ПСЖ»да ўйнаб келмоқда. У «Монако»дан 180 млн евро эвазига кўчиб ўтганди.
23 ёшли француз бу мавсумда Лига 1да 34та ўйинда майдонга тушиб, 25та гол ва 17та ассистни ўз ҳисобига ёздириб қўйди.
