Роналду рекордларни янгилаяпти

Роналду кетма-кет 5-мундиалда гол уришга муваффақ бўлди. Шу пайтгача бундай натижани ҳеч бир футболчи қайд этмаганди. Пеле (Бразилия), Уве Зеелера, Мирослава Клозе (иккиси - Германия) ва Лионель Месси (Аргентина) 4та ЖЧда гол уришган. Шунингдек, Криштианунинг ЖЧларидаги жами голлари сони 8тага етди.

Криштиану учрашувнинг энг яхши футболчиси деб топилди. У 7-марта ўйиннинг энг яхши одами деб топилди, бу ҳам жаҳон рекордидир. «Ўйиннинг энг яхши футболчиси» мукофоти 2002 йилдан бери жаҳон чемпионатларида топширилиб келинмоқда. Лионель Месси ва Арьен Роббен Криштианудан битта соврин ортда қолмоқда (ҳар бирида 6тадан соврин бор).

Ўйинни асосий таркибда бошлаган Криштиану Роналду 88-дақиқада захирага олинди. Португалиялик футболчи учун мазкур ўйин фаолиятидаги 5-ЖЧда баҳси бўлди. Шунингдек, 37 ёшли футболчи ҳисобида 5та Европа чемпионатидаги иштирок ҳам бор. Роналду - терма жамоа сафида 10та йирик мусобақада иштирок этган европалик илк футболчига айланди. Криштиану иштирок этган йирик мусобақалар - Евро-2004, ЖЧ-2006, Евро-2008, ЖЧ-2010, Евро-2012, ЖЧ-2014, Евро-2016, ЖЧ-2018, Евро-2020, ЖЧ-2022.