«Ал-Наср» барбод бўлиш арафасида

Сўнгги маълумотларга қараганда, Риёд клуби муаммолар исканжасида қолган. Essentially Sports нашрининг ёзишича, Саудия Арабистони сармоя фонди «Ал-Наср»ни молиявий таъминлашни чеклаганидан кейин муаммолар келиб чиқмоқда. Бошқарув вакилларининг бир нечтаси клубни тарк этди. Клуб президенти Иброҳим бин Абдулла ал Муҳаддиб юқори турувчи орган раҳбарияти билан учрашиб, молиялаштириш бўйича ёрдам сўради, бироқ рад жавобини олди. Ал Муҳаддиб истеъфога чиққанидан кейин бошқарув кенгаши аъзоси Кафари ал Кафари ҳам лавозимини тарк этди. Тез орада директорлар кенгашининг қолган аъзолари ҳам истеъфога чиқиши кутилмоқда. «Ал-Наср» лойиҳаси Криштиану Роналду атрофида қурилаётган эди. Машҳур футболчидан клуб ичидаги муаммоларни овоза қилмасликни талаб қилишди. Таркибдаги юлдузларнинг аксарияти клубни тарк этмоқчи, янги ўйинчиларни олиш рад этилмоқда. Бу ҳолат Криштиану Роналдуга ёмон таъсир қилаётгани айтилмоқда. Криштиану бир неча маротаба юқори раҳбарият билан учрашишга ҳаракат қилган, бироқ унга рухсат берилмади.