Альба «Барса»дан ғазабда

CCМА хабарига кўра, испаниялик футболчи каталонияликлар унга билдирмасдан «Интер» билан келишувга эришмоқчи бўлганидан ғазабланган. Альбанинг сўзларига кўра, клуб унга хиёнат қилган. Футболчининг агентига икки кун аввал ҳимоячи Маркос Алонсонинг «Челси»дан «Барселона»га ўтиши устида ишлаётган воситачилардан бири қўнғироқ қилган. У ҳамкасбига «Интер» Альбага қизиқаётганини айтган. Шундан сўнг Жорди тўғридан тўғри «нерадзурри» спорт директори билан гаплашиб, «Барса» уни ижарага таклиф қилганини билиб қолган. 33 ёшли ҳимоячи ҳар доим «Барселона»да қолишни истаётганини айтиб келган. У Хави билан учрашувда ҳам ҳеч қаёққа кетмаслигини қатъий айтиб, рад жавобини берган. Маълумот учун, Альба 2012 йилдан бери «Барса»да ўйнаб келмоқда. У ўтган мавсумда Ла Лигада 30та баҳсда 2та гол ва 10та ассистни ўз ҳисобига ёздириб қўйган.