«Арсенал» нишони - Эванилсон!

Football Transfers нашри хабарига кўра, Лондон клуби «Порту»дан Эванилсонни сотиб олиш имкониятини кўриб чиқмоқда. «Канонирлар» раҳбарлари бразилиялик футболчининг сўнгги ўйинларидан ҳайратда ва 24 ёшли футболчи учун таклиф билан чиқишни режалаштирмоқда. Бироқ лондонликлар 24 ёшли форвард учун 75 миллион евро тўлашлари керак бўлади. 2023/2024 йилги мавсумда Эванилсон «Порту» таркибида 23та расмий ўйин ўткази, 16та гол урди ва 5та голли узатмани амалга оширди. «Арсенал» ҳозирда АПЛ турнир жадвалида 3-ўринни эгаллаб турибди.