Асенсионинг тоқати тугади

Мадриднинг «Реал» клуби вингери Ла Лиганинг 5-туридан ўрин олган ўйинни (4:1) тўлиқ захирада ўтказди. Бу ўйинда мадридликлар бош мураббийи Карло Анчелотти мавжуд 5та алмаштиришдан 4тасини амалга оширди. Футболчи чигал ёзди машқларини бажариб бўлганидан сўнг майдонга тушмаслигини билгач машғулот либосини олд қисмини йиртиб ташлади, захира ўриндиғи ёнидаги сув идишни тепди ва ўйиннинг қолган қисмини норози кайфиятда кузатди. Ла Лиганинг жорий мавсумида 26 ёшли футболчи Ла Лиганинг фақат битта ўйинида қатнашди - 2-турда «Сельта» билан ўйинда (4:1) майдонда атиги 8 дақиқа ўтказганди. Ўйиндан сўнг Анчелотти футболчининг ҳис-туйғуларига муносабат билдирди: «Асенсионинг ўйнамаганидан жаҳли чиқдими? Мен унинг фикрига қўшиламан, шунинг учун буни инобатга оламан». Ярим ҳимоячининг Мадрид клуби билан шартномаси жорий мавсум охиригача ҳисобланган.