АПЛ. 7-тур: «Тўс-тўполон»нинг янги нуқтаси
Манчестернинг ҳар икки клуби мағлуб, «Ливерпуль» эса ношуд ҳакамлик қурбони - АПЛнинг навбатдаги тури турли маънода чинакам «тўс-тўполон» ичида қолди.
ФИФА апелляция қўмитаси Бразилия Футбол Конфедерацияси (CBF) ва Аргентина Футбол Ассоциацияси (АFA) томонидан берилган аризаларни кўриб чиқди ҳамда Халқаро футбол федерацияси тартиб-интизом қўмитасининг ўйинни қайта ўтказиш ҳақидаги қарорини тасдиқлади. Ҳар икки ташкилотга нисбатан қўйилган 50 минг Швейцария франки миқдоридаги жарима ҳам ўз кучида қолдирилди. Шу билан бирга, яна иккита жарима миқдори қолдирилди. CBF тартиб ва хавфсизликка оид қоидабузарликлар учун 250 минг франк, AFA эса ўйинга тайёргарлик кўриш бўйича мажбуриятларни бажармаганлик учун 100 минг тўлайди. Эслатиб ўтамиз, ЖЧ-2022 саралаши доирасидаги Бразилия ва Аргентина ўртасидаги ўйин 4-дақиқада тўхтатилган эди. Чунки Бразилия расмийларига кўра, рақибнинг 4 футболчиси (Буэндия, Мартинес, Ло Чельсо ва Ромеро) қонунбузарлик йўли билан мамлакатга кириб келган. Маълумот учун, иккала жамоа ҳам ўшандан кейин Қатардаги мундиалда қатнашиш ҳуқуқини қўлга киритишга муваффақ бўлди.
