Дон Карло учун 400 миллион!...

Goal нашрининг маълум қилишича, мадридликлар ёзда харидлар учун 400 млн. евро ажратишни мақсад қилган. Катта маош олувчи футболчилар Марсело, Гарет Бэйл ва Исконинг жамоани тарк этиши ортидан клубда бир қатор футболчиларни олиб келишга имконият пайдо бўлади. Шунингдек, «қаймоқранглилар» жорий мавсум таркибнинг асосини ўтаган бўлса-да, ёши ўтиб бораётган Лука Модрич, Тони Кроос, Карим Бензема, Каземиро ва Дани Карвахалга ўринбосарларни харид қилмоқчи. Бундан ташқари, Карло Анчелоттининг шахсий сўровига кўра, жамоага яна бир топ даражадаги чап қанот ҳимоячиси олиб келиниши кутиляпти. Эслатиб ўтамиз, «қироллик клуби» «Челси» футболчиси Антонио Рюдигер билан эркин агент сифатида келишувга эришишга улгурган.