Горецка ўрнини Павлович эгаллайди

Мюнхеннинг «Бавария» клуби ярим ҳимоячиси Леон Горецка ўз ватанида ўтадиган Евро-2024 мусобақасида қатнашмаслиги мумкин. Sky Germany хабарига кўра, Германия терма жамоаси бош мураббийи Юлиан Нагельсманн Горецканинг жамоадоши Александр Павловични март ойидаги ўртоқлик ўйинларига чақирган ва Нагельсманн Горецкага умид боғлаяптими ёки йўқлиги номаълум. Леон Горецка жорий мавсум «Бавария» сафида 39та ўйинда майдонга тушиб, 5та гол урди ва 11та голли узатмани амалга оширди.