Эдегор ва Артета АПЛда тенгсиз!

Сўровнома натижаларига кўра, «Арсенал» ярим ҳимоячиси Мартин Эдегор ой лауреати деб топилди. Норвегиялик футболчи бу борада Эрлинг Холанд, Каземиро, Бена Ми, Жоау Пальинью, Маркус Рэшфорд, Букайо Сака ва Киран Триппьерни ортда қолдирди. Маълумот учун, сўнгги икки ойда ўтказилган 4 учрашувда Эдегор 3та гол ва 3та ассистга муаллифлик қилди.

«Арсенал» бош мураббийи Микель Артета эса ойнинг энг яхши мураббийи деб топилди. Испаниялик мутахассис овоз бериш жараёнида Томас Франк («Брентфорд»), Эдди Хау («Ньюкасл») ва Юрген Клоппни («Ливерпуль») ортда қолдирди. «Канонирлар» ўтган икки ойдаги 4 ўйинда жами 10:3 ҳисобидаги натижани қайд этишди. Эслатиб ўтамиз, Артета жорий мавсум иккинчи марта ушбу совринга эга чиқди. Фаолияти давомида эса 4 марта ой лауреатига айланган.