Элдор Шомуродовни яна “Сампдори”, “Торино” ёки “Мона”га сотишмоқчи…

Италиялик машҳур  инсайдер Никола Скиранинг ёзишича, ўзбекистонлик ҳужумчи «Рома» бош мураббийи Жозе Моуриньонинг режаларидан ўрин олмаган. Шу боис у қишки трансфер ойнасида «бўрилар» сафини тарк этиши кутилмоқда.

Қайд этилишича, Шомуродовга А Сериянинг уч клуби қизиқиш билдирмоқда. Жумладан, «Сампдория», «Монца» ва «Торино» январь ойида очиладиган трансфер ойнасида Элдорни ўз сафига таклиф этиш имкониятларини кўриб чиқмоқда. 

Маълумот учун, бош жамоамизнинг 27 ёшли форварди жорий мавсум А Серияда 6 ўйинда майдонга тушди. Европа лигасида эса 2 учрашувда битта голга муаллифлик қилди.

Эслатиб ўтамиз, ёзги трансфер ойнасида «Торино» ва яна бир қатор клублар Шомуродовга қизиқиш билдирган, аммо Рим клуби ўз ҳужумчисини ижарага беришни истамай, 10 миллион евродан камига сотмоқчи эмаслиги ҳақида хабар қилинганди.