Эрлинг, янги «тойчоқ» муборак!

«Манчестер Сити» ҳужумчиси болалик дўсти, HiTecVision инвестиция компанияси асосчиси Оле Эртвааг билан бирга Mercedes AMG One суперкарини сотиб олишга қарор қилди. Ушбу автомобилнинг тан баҳоси 2,5 миллион еврога тенг. Лекин солиқ тўловлари ҳисобга олинса, дабдабали «тойчоқ» янада қиммат тушади - 3,13 миллион евро.

Mercedes AMG One русуми чекланган миқдорда ишлаб чиқарилган. Аниқроқ айтсак, ер юзида атиги 275 дона шундай атомобиль бор. Норвегиялик тўпурарнинг янги хариди нақ 5та «Формула 1» болиди двигателига эга. Шундан келиб чиқсак, Mercedes AMG One соатига 352 км. тезликда «учиш» имкониятини ҳосил қилган. Яна бир тасниф: суперкар атиги 7 сония ичида соатига 200 км. тезлик олиши мумкин, 15,6 сонияда эса бу кўрсаткич 300 километрга ошади.

Айтганча, Эрлинг Холанд бунга қадар асосан Mercedes AMG GLE русумидан фойдаланган, бу машанининг баҳоси - 105 минг евро. Норвегиялик «йиртқич» автосалонида яна Rolls Royce Cellinan (350 минг евро), Audi RC6 Avant (140 минг евро) ва Range Rover Sport (140 минг евро) автомобиллари ҳам бор.

Футбол оламида Лионель Месси ва Криштиану Роналду ўзаро рақобатлашмайдиган жиҳат борми!? 2016 йили тарихий Ferrari 335 S Spider Scaglietti автомобили Париж аукционида 30 млн. долларга сотилганди. Яъни Лионель Месси энг қимматбаҳо Ferrari эгасига айланган эди. Ўшанда Криштиану ҳам бу автомобилга қизиққан эди.