Европада Эрлинг ва Пеп тенгсиз!

Унга кўра, «Манчестер Сити» ҳужумчиси Эрлинг Холанд Европада ортда қолган мавсумнинг энг яхши футболчиси номига сазовор бўлди. Норвегиялик футболчи «шаҳарликлар» билан ўтган мавсумда треблга эришди ва 53 ўйинда 61та голга муаллифлик қилди. Мазкур соврин учун, шунингдек, «ПСЖ»/»Интер Майами» футболчиси Лионель Месси ҳамда «Манчестер Сити» ярим ҳимоячиси Кевин де Брюйне даъвогарлик қилганди. Эътироф этиш жоиз, Холанд шахсий совринлар борасида Криштиану Роналдунинг ютуғини такрорлади. У аввалроқ Англия Футбол Журналистлари Ассоциацияси (рекорд фарқ билан) ва Профессионал Футболчилар Уюшмасидан ҳам шундай совринларни қўлга киритганди. Бир йил ичида 3та совринни қўлга киритган охирги футболчи 2008 йилда Криштиану Роналду бўлган. Ўша йили у биринчи марта «Олтин тўп»ни ҳам ютганди.

«Сити» устози Пеп Гвардиола эса Европада ортда қолган мавсумнинг энг яхши мураббийи номига сазовор бўлди. Испаниялик мутахассис «шаҳарликлар» билан требл қайд этди. Мазкур соврин учун, шунингдек, «Интер» устози Симоне Инзаги ва «Наполи» собиқ бош мураббийи Лучано Спаллетти (ҳозирда Италия терма жамоаси устози) даъвогарлик қилганди.