Фелиш «Челси»га ўтди!

«Челси» клуби португалиялик 23 ёшли ҳужумчини Мадрид клубидан мавсум якунига қадар ижарага олганини расман эълон қилди. Португалиялик футболчи лондонликлар сафида 11-рақамда ҳаракат қилади. «Атлетико» Фелиш Лондон клубига ижарага берилишидан аввал, томонлар ўртасидаги амалдаги келишув 2027 йилга қадар узайтирилганини маълум қилди. У июль ойида Мадридга қайтади. Аввалроқ, инсайдер Фабрицио Романо «Челси» Фелишнинг ярим йиллик ижараси учун Мадрид клуби ҳисоб рақамига 11 миллион евро ўтказиши, футболчининг 30 июнь кунига қадар ярим йиллик маоши учун эса 6 миллион евро тўлаши ҳақида хабар берганди. Маълумот учун, Фелиш жорий мавсум «Атлетико» сафида жами 20 ўйинда 5та гол ва 3та ассистга муаллифлик қилганди.