ФИФА рейтинги: Аргентина 1-ўринга чиқолмади...

ESPN хабарига кўра, ЖЧ-2022дан кейин ҳам Бразилия миллий жамоаси рўйхатда пешқадамликни сақлаб қолган. Бразилияликлар чоракфиналда Хорватияга пенальтилар сериясида мағлуб бўлиб, турнир билан хайрлашишганди. ЖЧ-2022 финалида Францияни мағлуб этиб, мусобақа ғолибига айланган Аргентина эса ФИФА рейтингида бир поғона юқорилаб, 2-ўринга кўтарилган. Мундиалда гуруҳдан чиқа олмаган Бельгия икки ўринга пастлаган бўлса, чоракфиналгача борган Англия 5-ўринда қолди, Нидерландия эса 6-ўринга кўтарилди. ЖЧ-2022 совриндорига айланган Хорватия 12-ўриндан 7-поғонага кўтарилишга эришди. Италия икки ўрин пастлаб, 8-ўриндан жой олди. Португалия 9-ўринда қолди, Испания эса 3 поғона пастлади. Турнир кашфиёти Марокаш 11 поғона юқорилаб, 11-ўриндан жой олди. Ўзбекистон миллий жамоаси эса 77-ўринда бормоқда.

ФИФА рейтинги 2022 йил якунида қуйидагича кўриниш олган:

1. Бразилия;

2. Аргентина;

3. Франция;

4. Бельгия;

5. Англия;

6. Нидерландия;

7. Хорватия;

8. Италия;

9. Португалия;

10. Испания;

11. Марокаш;

12. Швейцария;

13. АҚШ;

14. Германия;

15. Мексика;

16. Уругвай;

17. Колумбия;

18. Дания;

19. Сенегал;

20. Япония.