Флеккен «Брентфорд»га ўтди

Клуб расмий сайти хабарига кўра, 29 ёшли голкипер инглиз жамоаси билан 4 йиллик шартнома имзолаган. Нидерландия миллий жамоаси дарвозабони Англияда ишлаш рухсатномасини қўлга киритгач, «Брентфорд» сафига келиб қўшилади. Маълумот учун, Марк якунланган мавсум Бундеслигада 34 ўйинда майдонга тушиб, 13 ўйинда дарвозаси дахлсизлигини сақлаган. Европа лигасида эса 7та баҳсда дарвозани қўриқлаган эди. «Фрайбург» Германия чемпионати якунларига кўра, 5-ўринни эгаллаб, Европа Лигасига йўлланма олди. «Брентфорд» эса АПЛда 9-ўринни эгаллаган.