Франко кимга насиб қиларкин?

Diario Sport нашрининг ёзишича, Европанинг бир неча грандлари назари «Ривер Плейт»нинг 16 ёшли ўйинчиси Франко Мастантуонога тушган. Ҳужумкор футболчининг шартномасини уни 53 миллион еврога трансфер қилиш имконини берувчи банд бор. «Реал» вакиллари анчадан бери ёш ўйинчини кузатиб келмоқда. Бироқ, «Сити» бу вундеркиндни мадридликларга бериб қўймоқчи эмас. Мастантуоно барча турнирларда 18 маротаба майдонга тушиб, 2та гол ва 1та ассист қайд этди. 16 ёшли футболчининг амалдаги битими 2026 йилнинг ёзигача имзоланган. Transfermarkt портали экспертлари ўйинчини 10 миллион еврога баҳоламоқда.