ФУТБОЛ АТРОФИДА:Олижаноблик белгиси

«Реал Мадрид»нинг бразилиялик бўлажак вакили аэропортда тасодифан оилавий муаммоларга ўралашиб қолган фанатни учратиб қолди ва унинг ташвишига лоқайд қарамади. Таъсирчан воқелик! Хўш, нима бўлди ўзи?

Тақдир учрашуви. Рио-де-Жанейро аэропортида пойафзалларни тозалаб бериш ортидан пул топадиган Мишель иш жараёнида Эндрикни кўриб қолди ва унга яқинлашиб, эсдалик учун ўз суратига дастхат қўйиб беришини илтимос қилди. 17 ёшли вундеркинд эса қисқа суҳбатда Мишель баъзи муаммоларга ўралашиб қолганини пайқади.

Ўз ўрнида муҳим ёрдам. Ўзаро суҳбатда пойафзал тозаловчи оиласини таъминлаш ва уй ижараси тўлови масаласида қийналаётгани маълум бўлди. Эндрик эса унга дарҳол ёрдам беришни лозим топди. Яъни Мишель қўлига ўз ўрнида ўта зарур саналган 1000 Бразилия реалини тутқазди. Ёш футболчидан муносиб ёндашув! Бу олижаноблик белгиси, албатта!