Гомис ҳам тугатди

By Пўлатов Мухаммадхон 12 Nov, 2024 4 mins read 40 views

0 comments 0 likes

Лига 1нинг етакчи футболчиларидан бири, «Сент-Этьен», «Лион», «Суонси» ва «Марсель» клубларида тўп тепган Бафетимби Гомис бутсасини михга илишга қарор қилди.

Франция терма жамоасининг собиқ футболчиси (12 ўйин, 3та гол) 10 ноябрь, якшанба куни бўлиб ўтган «Лион» - «Сент-Этьен» учрашуви бошланишидан бир неча дақиқа олдин бу ҳақда гапирди. 39 ёшли ҳужумчи Туркия («Галатасарой»), Саудия Арабистони («Ал-Ҳилол»)да ҳам ўйнашга муваффақ бўлган ва фаолиятидаги сўнгги клуби Япониянинг «Кавасаки» жамоаси эди. Франциялик футболчи фаолияти мобийнида 783 учрашувда 347та гол ва 75та голли узатмани амалга оширган. Эслатиб ўтамиз, Бафетимби Гомис Франция Кубоги ва Суперкубоги («Лион»)ни ўз ичига олган ҳолда 14та совринни қўлга киритган, шунингдек, «Галатасарой» таркибида икки марта Туркия Суперлигасида ғолиб чиққан.