IFFHS: Европада Клиан Америкада Лео тенгсиз!

«ПСЖ» клуби ва Франция миллий жамоаси ҳужумчиси Килиан Мбаппе қитъада йилнинг энг яхши ўйинчиси деб топилди. Шунингдек, халқаро футбол тарихи ва статистикаси федерацияси Килианни УЕФА рамзий терма жамоасига киритди. Дортмунднинг «Боруссия» клуби ва Англия миллий жамоаси яримҳимоячиси Жуд Беллингем Европанинг энг яхши ёш футболчиси (20 ёшгача) деб эътироф этилди. У, шунингдек, йилнинг энг яхши ёш футболчилари рамзий жамоасидан ҳам ўрин олди.

Аргентина миллий жамоаси сардори Лионель Месси эса Жанубий Америка қитъасининг 2022 йилдаги энг яхши ўйинчиси деб топилди. Футбол тарихи ва статистикаси халқаро федерацияси 2022 йил якунларига кўра Жанубий Америка қитъасининг (КОНМЕБОЛ) рамзий жамоасини ҳам эълон қилди. Таркибдан ЖЧ-2022 ғолиби бўлган Аргентина миллий жамоасининг 7 нафар аъзоси жой олган.