Испания суперкубоги-2023: Винисиус вақти ҳамда 13-суперкубок!

Ўйин қаҳрамони - Винисиус Журниор. 7, 10 ва 39-дақиқаларда «Барса» дарвозасини ишғол қилган бразилиялик XXI асрдаги «Эль-класико»ларда кузатилган энг тезкор «хет-трик» муаллифи бўлди.

*** Антуан Гризманн «Атлетико» либосида 174-голини уриб, клуб рекордини ўрнатди. Франциялик бу борада Луис Арагонес (173та гол)дан ўзиб кетди.

*** «Реал»нингмағлубиятсиз серияси 21та ўйинга етди - 18та ғалаба ва 3та дуранг. Мадридликлар охирги марта 24 сентябрь куни Ла Лига доирасида «Атлетико»га 1:3 ҳисобида ют­қазишганди. 

*** «Реал» расмий «Эль-класико»да қаторасига 3-марта устун келди (2 марта йирик ҳисобда). Эътиборлиси, ушбу серияга қадар «Барселона» кетма-кет 3та ўйинда ғалаба қозонганди. Умуман, «Реал» асосий рақибини 104-марта доғда қолдирди. «Барса» ҳисобида эса 100та ғалаба бор.

*** Карло Анчелотти «Реал» бошқарувида 11-совринини ютиб, бу борада Зайниддин Зидан билан тенглашди. Жамоа тарихидаги энг совриндор мураббий Мигель Муньос ҳисобида 14та кубок бор. Шунингдек, клуб бош мураббийи ролида 264-ўйинини ўтказган Анчелотти айнан Зидан (263та ўйин)дан ўзиб кетди. Италияликдан фақат Муньос олдинда (605та ўйин).

*** «Барселона» сафида қаторасига 3-ўйинда рақиб дарвозасини нишонга олган Роберт Левандовски жамоа учун «Эль-класико»да гол урган энг ёши катта футболчига айланди (35 ёшу 146 кунлик).

ЯРИМ ФИНАЛ

10 январь

РЕАЛ - АТЛЕТИКО - 5:3 (2:2, 1:1, 0:0, 2:0)

Ар-Риёд. «Ал-Аввал Парк» стадиони. 25000 томошабин.

Бош ҳакам: Альберола Рохас (Испания).

Голлар: Рюдигер (20), Менди (29), Карвахаль (85), Савич (116-авт.), Браим Диас (120+2) - Эрмосо (6), Гризманн (37), Рюдигер (78-авт.).

Реал: Кепа, Карвахаль, Начо, Рюдигер, Менди (Камавинга, 81), Модрич (Кроос, 67), Вальверде (Гюлер, 112), Тчуамени (Браим Диас, 81), Беллингем, Винисиус (Хоселу, 105), Родриго (Себальос, 105).

Атлетико: Облак, Савич, Хименес, Эрмосо, Льоренте (Аспиликуэта, 105), Коке (Галан, 104), Сауль (Молина, 67), де Пауль (Витцель, 90), Гриз-манн, Мората (Корреа, 90), Лино (Рикельме, 67).

11 январь

БАРСЕЛОНА - ОСАСУНА - 2:0 (0:0)

Ар-Риёд. «Ал-Аввал Парк» стадиони. 23932 томошабин.

Бош ҳакам: Алехандро Муньис Руис (Испания).

Голлар: Левандовски (59), Ямал (90+3).

Барселона: Пенья, Кунде, Кристенсен, Араухо, Бальде, Сержи Роберто (Педри, 61), Гюндоган, де Йонг, Рафинья (Ямал, 42), Ферран Торрес (Жоау Фелиш, 61), Левандовски.

Осасуна: Эррера, Аресо, Хуан Крус (Барха, 85), Давид Гарсия, Катена, Пенья (Мохика, 78), Мойсес Гомес (Рубен Гарсия, 85), Орос, Муньос (Монкайола, 70), Арнаис (Рауль Гарсия, 70), Будимир.

ФИНАЛ

14 январь

РЕАЛ - БАРСЕЛОНА - 4:1 (3:1)

Ар-Риёд. «Ал-Аввал Парк» стадиони. 23977 томошабин.

Бош ҳакам: Алехандро Муньис Руис (Испания).

Голлар: Винисиус Жуниор (7, 10, 39-пен.), Родриго (64) - Левандовски (33).

Реал: Лунин, Карвахаль, Начо, Рюдигер, Менди, Кроос (Модрич, 81), Вальверде (Себальос, 86), Тчуамени, Беллингем (Хоселу, 86), Винисиус Жуниор (Камавинга, 82), Родриго (Браим Диас, 77).

Барселона: Пенья, Араухо, Кристенсен, Кунде, Бальде, Сержи Роберто (Лопес, 61), Гюндоган, де Йонг, Педри (Ямал, 61), Ферран Торрес (Жоау Фелиш, 61), Левандовски.

Четлатиш: Араухо (71, Б.).

Ўйиндан кейинги фикрлар:

Хави («Барселона» бош мураббийи): - Очиғи, ҳафсаламиз пир бўлди. Бу - уят... Ўйинга катта умид боғлагандик, аммо жуда ёмон бошладик. Ҳа, баъзида устун кўриндик, аммо қулайлик сезмадик, барибир. «Реал» ғалабага ҳақли эди. Ҳамиша ҳурмат ва спорт маҳоратини намоён этадиган Карло Анчелоттини табриклайман.

Испания суперкубоги мукофот жамғармаси тақсимоти

«Реал» - 6 миллион + 2 миллион евро

«Барселона» - 6 миллион евро + 1 миллион евро

«Атлетико» - 3 миллион евро

«Осасуна» - 1,4 миллион евро

Испания суперкубогининг барча ғолиблари:

Барселона - 14 марта (1983, 1991, 1992, 1994, 1996, 2005, 2006, 2009, 2010, 2011, 2013, 2016, 2018, 2022)

Реал - 13 марта (1988, 1989, 1990, 1993, 1997, 2001, 2003, 2008, 2012, 2017, 2020, 2021, 2023)

Депортиво - 3 марта (1995, 2000, 2002)

Атлетик - 3 марта (1984, 2015, 2021)

Атлетико - 2 марта (1985, 2014)

Валенсия - 1 марта (1999)

Севилья - 1 марта (2007)

Сарагоса - 1 марта (2004)

Мальорка - 1 марта (1998)

Реал Сосьедад - 1 марта (1982)