Канселу ортга қайтиши мумкин

«Барселона»нинг «Манчестер Сити»га 29 миллион евро тўлашга қурби етмайди. Инглиз клуби эса ўтган мавсум «блауграна»да ижара асосида ўйнаган ҳимоячини қайтармоқчи. Манбанинг хабарига кўра, клублар айни дамда футболчининг ижара муддатини узайтириш ёки уни тўлиқ сотиб олиш бўйича музокаралар ўтказишмоқда. Эслатиб ўтамиз, ўтган мавсумда португалиялик футболчи барча турнирларда 42та ўйинда иштирок этиб, 4та гол ва 5та голли узатмага муаллифлик қилган. Футболчининг инглиз клуби билан амалдаги шартномаси 2027 йилнинг ёзига қадар тузилган. Transfermarkt порталида берилган маълумотларга кўра, фулбекнинг қиймати 25 миллион еврони ташкил қилмоқда.