АНА, ХОЛОС! Тайрон, бу қандай аҳмоқлик?
ЧЛ-2024|2025да жуда зўр старт олган «Астон Вилла» лига босқичи 4-турига келиб, биринчи мағлубиятни тан олди.
Охирги йиллар жароҳатларга ўралашиб қолган «Ал-Ҳилол» ҳужумчиси бу кетишда мегаумидларни қачон оқлайди? Ўзи умидларни оқлай оладими? Катта савол...
Айтиш керак, Неймар чиндан ҳам, футбол оламига тўфондек ёпирилиб кирганди. Оддий мисол, 21 ёшгача «Сантос»да тўп сурган вундеркинд 225та ўйинда 136та гол уриб, бунга 69та ассистни ҳам қўшиб қўйганди. Қолаверса, 6та совриндан коллекция ясашга улгурганди. Тўғри, Неймарнинг еврофутболдаги йўли ҳам чакки чиқмади. Айниқса, «Барселона»да анча самарали ўйнади, шу тариқа трансферлар бўйича жаҳон рекорди янгиланишига сабабчи бўлди. Унинг «ПСЖ» ва «Ал-Ҳилол»даги юриши хусусида эса бирор жўяли фикр билдириш қийин.
Неймар Бразилия миллий жамоасида ҳам ёрқин юлдуз рутбасини тўла оқлолмади. Бунга турли даражадаги жароҳатлар халақит бергани ўз-ўзидан тушунарли. Лекин... Асосий факт битта - Неймар 21 ёшгача кўрсатган тезлиги ярмини ҳам ушлаб қололмагандек...
ДАРВОҚЕ...
Неймар ҳозирда «Ал-Ҳилол»дан Европага қайтиш ниятида. Sport.es нашри хабарига қараганда, бразилиялик юлдуз яна «Барселона» либосини киймоқчи. Жароҳатдан кейинги тикланиш жараёнини ўтаётган Неймар ҳаттоки, бу борада «Ал-Ҳилол» раҳбарларига мурожаат қилиб, ёзда ижара келишуви бўйича «Барса»га кетишига рухсат беришларини сўраган. Тўғри, бу масалада ҳозирча на Ар-Риёд ва на Каталония клуби қандайдир ҳаракат бошлади. Маълумот учун, Неймар жорий мавсум «Ал-Ҳилол»нинг 5тагина ўйинида майдонга тушди - 1та гол ва 3та ассист.
