Карим Бензема ва Карло Ачелотти - 2021/22 йилги мавсумнинг энг энг яхшилари бўлишди...

Унга кўра, «Реал» ва Франция миллий жамоаси ҳужумчиси Карим Бензема Европанинг 2021/22 йилги мавсумининг энг яхши футболчиси деб топилди. У ўтган мавсум Мадрид клуби билан Ла Лига чемпиони, УЕФА Чемпионлар лигаси ғолиби, Европа Суперкубоги соҳиби ҳамда 15та гол билан ЕЧЛ тўпурарига айланганди.
Франциялик 34 ёшли ҳужумчидан ташқари, «Реал» ва Бельгия миллий жамоаси дарвозабони Тибо Куртуа ҳамда «Манчестер Сити» ва Бельгия миллий жамоаси яримҳимоячиси Кевин де Брюйне ҳам совринга даъвогар эди.
Айтганча, ушбу соврин 2021 йилда «Челси» яримҳимоячиси Жоржиньога насиб қилганди.

***

Шунингдек, ЕЧЛ 2022/23 йилги мавсуми гуруҳ босқичига қуръа ташлаш маросимидан кейин УЕФА Европада йил мураббийини эълон қилди. Унга кўра, «Реал» бош мураббийи Карло Анчелотти мавсумнинг энг яхши мураббийи деб топилди. Италиялик мутахассис бу борада Юрген Клопп («Ливерпуль») ва Пеп Гвардиолани («Манчестер Сити») ортда қолдирди.

Анчелотти қўл остида «Реал» ЕЧЛ ва Ла Лига ғолибига айланган бўлса, Клопп мураббийлигида унинг жамоаси Англия кубоги ва Лига кубоги, Гвардиола қўл остида эса «Ман Сити» АПЛ ғолиблигини қўлга киритганди.