Клопп уч футболчиси билан хайрлашади

Calciomercato хабарига кўра, мерсисайдликлар жамоанинг уч нафар аъзоси – ҳимоячи Натаниел Филлипс, ярим ҳимоячи Наби Кейта ва Алекс Окслейд-Чемберленни трансферга қўйган. 25 ёшли Нат Филлипснинг клуб билан шартномаси 2025 йилга қадар имзоланган бўлса, Юрген Клопп бу ўйинчи билан хайрлашмоқчи. 27 ёшли Кейта ва 29 ёшли Окслейд-Чемберлен эса жароҳати сабабли кўп вақтни тикланиш жараёни билан ўтказаётгани учун Клопп улар билан хайрлашишга қарши эмас. Қайд этилишича, клуб раҳбарияти қишда ушбу ўйинчилар бўйича ҳар қандай таклифни кўриб чиқишга тайёр. Аввалроқ, Наби Кейтага «ПСЖ» қизиқиш билдираётгани ҳақида хабар берилганди.