Кришнинг 6-иштироки, АПЛ, «Сити» ва «Интер» улуши

Олдинда ўйинлар ҳали кўп, қолаверса, энг асосий томошалар навбат кутиб турибди. Шундай экан, ҳозир бевосита Евро-2024га дахлдор қизиқарли маълумотларга бирров назар солишнинг айни вақти... 

ФИНАЛ БОСҚИЧИДА 4 МАРТАДАН КЎП...

Европа чемпионати финал босқичига камида 4-марта киришган иштирокчилар сони - 12 нафар. Улар орасида Криштиану Роналду яққол пешқадам. Португалия фахри қитъа биринчилигида 6-марта иштирок этмоқда. Айтиш ўринли, Роналду бу борада мусобақа рекордини ўрнатди. Евро-2024 Руи Патрисиу, Пепе ва Лука Модрич учун эса қитъа чемпионатининг 5-финал раундидир.

Евро-2024 иштирокчилари орасида қитъа чемпионати финал раундида энг кўп иштирок этган футболчилар: Криштиану Роналду (Португалия) - 6 марта; Руи Патрисиу, Пепе (Португалия), Лука Модрич (Хорватия) - 5 марта; Оливье Жиру, Антуан Гризманн (Франция), Роберт Левандовски, Войцех Шесни (Польша), Альваро Мората (Испания), Мануэль Нойер, Томас Мюллер (Германия), Иван Перишич (Хорватия), Андрей Ярмоленко (Украина) - 4 марта.

---------------------------------------------------------------------------------------------------------------------------------

МИЛЛИЙ ЖАМОАДА +100та ЎЙИН

Германия турнирига борган футболчилар орасида 30 нафари миллий жамоада 100та ўйин маррасидан ошишга улгурган. Бу рўйхатда ҳам Криштиану Роналду мутлақ етакчи. Португалия миллий жамоаси сардори Евро-2024га ўз багажидаги 206та ўйин билан ташриф буюрди. 

Евро-2024 иштирокчилари орасида қитъа чемпионати финал раундига қадар миллий жамоада 100та ўйин маррасидан ошган футболчилар: Криштиану Роналду (Португалия) - 206та; Лука Модрич (Хорватия) - 174та; Ян Вертонген (Бельгия) - 154та; Роберт Левандовски (Польша) - 150та; Пепе (Португалия) - 136та; Оливье Жиру (Франция) - 133та; Аксель Витцель (Бельгия), Симон Кьер (Дания) - 132та; Иван Перишич (Хорватия) - 131та; Кристиан Эриксен (Дания), Томас Мюллер (Германия) - 129та; Антуан Гризманн (Франция) - 128та; Петер Пекарик (Словакия) - 127та; Гранит Жака (Швейцария), Шердан Шакири (Швейцария) - 124та; Мануэль Нойер (Германия) - 119та; Андрей Ярмоленко (Украина) - 118та; Ромелу Лукаку (Бельгия) - 115та; Рикардо Родригес (Швейцария) - 114та; Гурам Кашия (Грузия) - 113та; Марко Арнаутович (Австрия) - 112та; Тони Кроос (Германия) - 109та; Руи Патрисиу (Португалия), Душан Тадич (Сербия) - 108та; Дэйли Блинд (Нидерландия), Юрай Куцка (Словакия) - 107та; Домагой Вида (Хорватия) - 105та; Кевин де Брюйне (Бельгия), Матео Ковачич (Хорватия), Каспер Шмейхель (Дания) - 100та.

МИЛЛИЙ ЖАМОАДА +30та ГОЛ

Жорий Европа чемпионати «заявка»сига кирган 16 нафар футболчи ўз миллий жамоаси либосида 30та голмаррасидан ошган. Пешқадам яна Криштиану Роналду - турнир стартига қадар Португалия термаси учун нақ 128та гол.

Евро-2024 иштирокчилари орасида қитъа чемпионати финал раундига қадар миллий жамоада 30та гол маррасидан ошган футболчилар: Криштиану Роналду (Португалия) - 128та; Ромелу Лукаку (Бельгия) - 85та; Роберт Левандовски (Польша) - 82та; Гарри Кейн (Ангия) - 63та; Александар Митрович (Сербия) - 58та; Оливье Жиру (Франция) - 57та; Килиан Мбаппе (Франция) - 47та; Андрей Ярмоленко (Украина) - 46та; Томас Мюллер (Германия), Мемфис Депай (Нидерландия) - 45та; Антуан Гризманн (Франция) - 44та; Кристиан Эриксен (Дания) - 41та; Марко Арнаутович (Австрия) - 36та; Альваро Мората (Испания) - 34та; Иван Перишич (Хорватия) - 33та; Шердан Шакири (Швейцария) - 31та.

---------------------------------------------------------------------------------------------------------------------------------

КАМИДА 14 НАФАР ФУТБОЛЧИ БИЛАН

Евро-2024га энг кўп футболчи юборган миллий лигалар рўйхатида кутилганидек, АПЛ пешқадам - 114 нафар. Кейинги ўрин 104 нафар футболчига эга Италия «А» сериясига тегишли. Эътиборлиси, Саудия Арабистони чемпионати 14 нафар делегат билан энг илғор лигалар қаторида.

Евро-2024га энг кўп футболчи юборган миллий лигалар: АПЛ (Англия) - 114 нафар; «А» серия (Италия) - 104 нафар; Бундеслига (Германия) - 80 нафар; Ла Лига (Испания) - 57 нафар; Лига 1 (Франция) - 31 нафар; Суперлига (Туркия) - 25 нафар; Биринчи лига (Чехия) - 21 нафар; Бундеслига (Австрия) - 16 нафар; Эредивизион (Нидерланлия), Премьер-Лига (Украина) - 15 нафар; Про лига (Саудия Арабистони) - 14 нафар.

---------------------------------------------------------------------------------------------------------------------------------

«МАНЧЕСТЕР СИТИ» ВА «ИНТЕР» РАҚОБАТИ

Диққат қилинг, Англия чемпиони - «Манчестер Сити» ва Италия «А» серияси ғолиби - «Интер» бу сафарги қитъа биринчилигига 13 нафардан футболчи жўнатди. Энг кўп делегатга эга клублар орасида камтарин «Спарта» (Прага) ҳам борлиги эътиборга молик. 

Евро-2024га энг кўп футболчи юборган клублар: «Манчестер Сити» (Англия) - 13, «Интер» (Италия) - 13 нафар; «ПСЖ» (Франция), «Барселона», «Реал» (Испания) - 12 нафар; «Бавария», «РБ Лейпциг» (Германия) - 11 нафар; «Арсенал» (Англия), «Байер» (Германия) - 10 нафар; «Ювентус», «Рома» (Италия), «Ливерпуль» (Англия), «Славия» Пр. (Чехия) - 9 нафар.

ЕВРО-2024: ЭНГ, ЭНГ, ЭНГ...

Энг ёши катта футболчи: Пепе (Португалия) - 41 ёшу 109 кунлик

Энг ёш футболчи: Ламин Ямал (Испания) - 16 ёшу 337 кунлик

Энг ёши катта дарвозабон: Георги Лория (Грузия) - 38 ёшу 139 кунлик

Энг ёш дарвозабон: Барт Вербрюгген (Нидерландия) - 21 ёшу 301 кунлик

Энг ёши катта сардор: Криштиану Роналду (Португалия) - 39 ёшу 130 кунлик

Энг ёш сардор: Доминик Собослаи (Венгрия) - 23 ёшу 233 кунлик

Энг ёши катта мураббий: Ральф Рангник (Австрия) - 65 ёшу 351 кунлик

Энг ёш мураббий: Юлиан Нагельсманн (Германия) - 36 ёшу 327 кунлик

Изоҳ: кўрсаткичлар мусобақага старт берилган кунга нисбатан олинган.