АНА, ХОЛОС! Тайрон, бу қандай аҳмоқлик?
ЧЛ-2024|2025да жуда зўр старт олган «Астон Вилла» лига босқичи 4-турига келиб, биринчи мағлубиятни тан олди.
Англиялик иқтидор фаолиятининг бошланиш нуқтасидан буён португалиялик юлдуз ўйинига ошуфта. Ҳа, интернет хотираси тасдиқламоқда: яқиндагина «Манчестер Сити» билан «требл»га эришган ва бу зафарни нишонлаш чоғи спиртли ичимликларга мойиллигини кўрсатган ярим ҳимоячи Жек Грилиш ҳам Криштиану Роналду истеъдодининг доимий мухлиси!
Англия миллий жамоаси аъзоси «Манчестер Сити» ғалабаларини нишонлаш жараёнида чиндан ҳам, катта шов-шув кўтарди. Бу ҳақда жуда кўп ва хўп ёзилди. Дейлик, Грилишнинг сармаст ҳолати қанчадан-қанча мемларга замин яратди. «Твиттер» тармоғи фойдаланувчилари шу воқеликлар таъсиридами, футболчининг олдинги хатти-ҳаракатларига алоҳида қизиқиб кўришди. Улар шу қизиқиш ортидан интернет лентасини 2012 йилгача орқага қайтаришди. Эслатма, Жек ўша вақт «Астон Вилла» таркибида дебют қилганди.
Маълум бўлишича, Грилишнинг ушбу ижтимоий тармоқдаги шахсий саҳифаси Роналдуга бағишланган «твит»лар билан тўла. Тўғри, у португалиялик ҳақида охирги марта 2016 йили ёзган. Яъни Англия миллий жамоасида ўйнай бошлаганидан буён Кришни мақтамай қўйди. Лекин тахмин қилиш мумкинки, Грилиш ҳамон биринчи даражали «7-рақам»нинг персонал фанати. Фақат Англия терма жамоаси мухлисларида нотўғри фикр туғилиши эҳтимолидан чўчиб, Криш ҳақида «твит» қолдириш одатидан воз кечган бўлса керак.
