Левандовски «Барса»га ўтадиган бўлди

Жанлука Ди Марционинг сўзларига кўра, клублар 33 ёшли польякни 45 млн. евро ва 5 млн. бонус эвазига трансфер қилишга келишиб олишди. Левандовски каталонияликлар билан «3+1» кўринишида шартнома имзолайди. Роберт энди 16 июль куни бўлиб ўтадиган «Бавария» тақдимотида қатнашмайди. У якшанба куни Барселонага йўл олади, сўнгра янги клуби билан АҚШ турнесига учади. Bild журналисти Кристиан Фальк хабарига кўра, 15 июль куни «Барса» Левандовски учун учта таклиф билан чиқди: биринчиси - 40+10 млн. евро, иккинчиси - 45 млн., учинчиси - 45+5 млн. Маълумот учун, ҳужумчи «Бавария»да 8 мавсум давомида 375 ўйинда 344та гол урди ва 72та голга ассистентлик қилди.