Лунинга мўмай таклиф бор

Todofichajes нашри хабарига кўра, украиналик кипернинг хизматларига «Ньюкасл» жиддий қизиқиш билдирмоқда. Инглиз клуби Лунинга 6 миллионлик маош таклиф қилишга тайёр. «Қаймоқранглилар»нинг асосий посбони Тибо Куртуа жароҳат олганлиги сабабли Лунин айни дамда жамоанинг асосий дарвозабони бўлиб турибди. «Қироллик клуби» «Челси»дан Кепани олди, бироқ Андрей ишончли ўйини билан рақобатда ютиб чиқди. Эслатиб ўтамиз, 25 ёшли дарвозабоннинг Мадрид гранди билан амалдаги шартномаси 2025 йилнинг ёзига қадар амал қилади.