Ляпорт ўринини Ким тўлдиради

Мавсум якунланганидан кейин жамоа марказий ҳимоячиси Эмерик Ляпорт клубни тарк этишни режалаштирмоқда. Бош мураббий Хосеп Гвардиола унинг ўрнига бошқа ўйинчи топиб қўйди. The Sun нашрининг ёзишича, «шаҳарликлар» ёзда «Наполи»нинг кореялик футболчиси Ким Мин Жэни олиб келади. Манбанинг таъкидлашича, бу ўйинчининг маҳоратини Хосеп Гвардиола юқори баҳоламоқда ва клуб мутасаддиларидан уни тезроқ олишни сўраяпти. «Наполи» 26 ёшли ҳимоячини ўтган ёз «Фенербахче»дан олиб келган эди. Кучли бешлик чемпионатларидаги дебют мавсумидаёқ ўзини кўрсата олган осиёлик ўйинчининг трансфер суммаси 50 миллион еврога кўтарилди.