Олдин хабар берганимиздек бугун машҳур "Уэмбли" стадионида жорий мавсумдаги Англия кубоги финал учрашуви ўтказилди.
«Манчестер» дербиси остида кечган ушбу ўйинда кутилганидек амалдаги чемпион ғалаба қозонди. Баҳснинг 14-сониясидаёқ асли турк бўлган германиялик Илкай Гундўған ҳисобни очган бўлса, 33-дақиқада Бруну Фернандеш пенальтидан мувозанатни тиклади – 1:1.
Иккинчи бўлимнинг 51-дақиқасида яна ўша 32 ёшли Гундўған ажойиб зарбаси билан дублга эришди – 2:1.
Якунда ушбу натижа ўзгармади ва «Манчестер Сити» Премьер-лигадаги чемпионликдан кейин Англия кубоги соҳибига ҳам айланди. Хуллас ҳозирча уларда "дубль" натижа. Олдинда жамоани 10 июнь куни «Интер»га қарши ЕЧЛ финали кутиб турибди.
Айтганча, Гвардиола жамоаси ушбу турнирда 7 марта зафар қучди. Бу борада "Арсенал" (14 марта), "МЮ" (12), "Ливерпуль" (8), "Тоттенхэм"(8), "Челси" (8)ва "Астон Вилла" (7) клублари "шаҳарликлар"дан олдинда боришмоқда.
Англия кубоги. Финал
МАНЧЕСТЕР СИТИ – МАНЧЕСТЕР ЮНАЙТЕД – 2:1 (1;1)
Голлар: 1:0 – 1 Гундўған, 1:1 – 33, пенальти Бруну Фернандеш, 2:1 – 51 Гундўған.
Манчестер Сити – Ортега, Уокер, Рубен Диаш, Аканджи, Стоунз, Гундўған, де Брюйне (Фоден, 76), Грилиш, Бернарду Силва, Родри, Холанд.
Манчестер Юнайтед – Де Хеа, Уан-Биссака, Варан, Линделеф (Мактоминей, 83), Шоу, Эриксен (Гарначо, 62), Каземиро, Фред, Бруну Фернандеш, Санчо (Вегорст, 78), Рэшфорд.
Огоҳлантиришлар: Уан-Биссака (45), Фред (79), Ортега (81).
