Маркиньос яна 5 йил Парижда ўйнайди

Париж клуби расмий сайти хабарига кўра, Маркиньос ва «Пари Сен-Жермен» ўртасида 2028 йилнинг июнь ойига қадар янги шартнома имзоланган. Бразилиялик 29 ёшли ҳимоячи яна 5 йил давомида Париж клуби шарафини ҳимоя қиладиган бўлди. «ПСЖ» президенти Носир ал Ҳелайфи 29 ёшли футболчи билан 5 йиллик шартнома имзоланганини қуйидагича тушунтирди. «Маркиньос жамоамиз сафига қўшилганида 19 ёшда эди. У Парижга келган куниданоқ жамоага ғолиблик руҳини беришга интилди ва жамоа ғалабаси учун бор имкониятини сарфлади. У ҳозиргача ёш ўйинчилардан қолишмай, ўрнак бўлиб келмоқда», - дейди клуб хўжайини. Маълумот учун, бразилиялик футболчи 2013 йилдан буён жамоа шарафини ҳимоя қилиб келмоқда. У жорий мавсум жами 41 ўйинда 2та голга муаллифлик қилган.