Матиа Погба шантажда иштирок этмаган...

«Ишнинг ривожланиши ва унинг оммавий ахборот воситаларида ёритилишини инобатга олган ҳолда, Матиа Погба укаси Поль Погбага нисбатан товламачилик ҳолатларидан мутлақо бехабар эканлигини таъкидламоқчи. Погба оиласи дуч келган қийинчиликлар ташқи таҳдидлар натижаси бўлиб, бу масала билан шуғулланувчи адлия тизими тўлиқ чора кўриши аниқ. Вазиятни тинчлантиришдан бошқа ҳеч нарсани истамаган Матиа Погба бундан буён зарурат туғилганда фақат иш бўйича судда баёнот беради», - деди адвокат.

Эслатиб ўтамиз, «Ювентус» футболчиси уюшган жиноий гуруҳ томонидан товламачилик ва таҳдидлар қурбони бўлганини айтган эди. Ушбу жиноий гуруҳга кирувчи футболчининг акаси Матиа Погба шантаж йўли билан Полдан 13 миллион еврога яқин пул ундираётгани хабар қилинганди. Ярим ҳимоячи 16 июль куни Турин прокуратурасига ариза билан мурожаат қилган. Ўтган ой дастлабки терговдан сўнг Париж прокуратураси ҳозирча номаълум шахсга нисбатан «қуролли тўда томонидан шантаж қилиш, одам ўғирлаш ва жиноий фитнада иштирок этиш» каби айбловларни кўриб чиқишини айтди.