Меньян ЖЧни ўтказиб юбориши мумкин

By Пўлатов Мухаммадхон 20 Oct, 2022 4 mins read 677 views

0 comments 0 likes

Яқинда жароҳатидан фориғ бўлган «Милан» дарвозабони Майк Меньян машғулотларда ўзини ноқулай ҳис қилди ва яна номаълум муддатга сафдан чиқди.

Sky Sports Italia хабарига кўра, жамоанинг эрталабки йиғинида дарвозабоннинг оёқ болдирида муаммо юзага келган, шу боис клуб яқин вақт ичида жароҳатнинг жиддийлигини аниқлаш учун қўшимча текширувлар ўтказади. Охирги марта Меньян сентябрь ойи охирида Австрия билан ўйинда, УЕФА Миллатлар лигасида Франция терма жамоасида ўйнаганида жароҳат олган эди. Шу сабаб дарвозабон Чемпионлар лигасида «Милан»га ёрдам бера олмади, унинг жамоаси Лондоннинг «Челси» жамоаси билан ҳар иккала учрашувда ҳам мағлуб бўлди (0:3 ва 0:2). Киперда жиддий жароҳати аниқланса, футболчи бир ойдан кейин Қатарда бошланадиган жаҳон чемпионатини ўтказиб юбориш хавфи бор.