Мората «Рома»га ўтишга рози

Ҳужумчи Альваро Мората «Рома» клубининг таклифини қабул қилди. Corriere dello Sport нашрининг маълум қилишича, Мората Рим клуби берган таклифга рози бўлган. Маошлар ҳам келишиб олинган. Альваро Римда 4,5 млн. евро маош олади. Бонуслар билан ушбу рақам 500 минг еврогача ошиши мумкин. Яқин кунларда «Рома» «Атлетико» билан боғланади ва трансфер масаласини муҳокама қилади. Ҳужумчи 12 млн. еврога сотиб олиш мажбурияти билан ижарага олиниши мумкин. Қўшимча қилинишича, «Интер» клубигина ушбу трансферга халал бериши мумкин. Саудия Арабистони клубларида эса футболчини қўлга киритиш бўйича умуман имконият йўқ.