«МЮ»: Гарначо билан янги келишувга эришилди

Клуб расмий сайти хабарига кўра, «МЮ» ва аргентиналик 18 ёшли вингер ўртасидаги янги шартнома 2028 йилнинг 30 июнь кунига қадар имзоланган. Клуб академияси тарбияланувчиси асосий жамоа сафида 31 ўйин ўтказишга улгурди. «Бу жамоа сафига ўтганимда дебют қилишни, «Олд Траффорд»да тўп суришни ва биринчи гол ҳамда илк совринни қўлга киритишни орзу қилгандим. Бу йил бу орзулар амалга ошди. Буюк тарихга эга жамоа сафида тўп сураётганимдан фахрланаман. Келажагимни ҳам жамоа билан боғлаганимдан жуда мамнунман», - дейди Гарначо. Аввалроқ, «МЮ» Гарначога Аргентина ёшлар жамоаси сафида ёшлар ўртасидаги ЖЧ-2023да иштирок этишга рухсат бермагани маълум қилинганди.