Нагаев 5 йиллик танаффусдан сўнг «Локомотив»га қайтди, Жалолиддинов ҳам...

Тошкент клуби матбуот хизматининг ёзишича , Нагаев ва клуб ўртасида шартнома имзоланган. Бироқ келишув муддати ҳақида маълумот берилмаган. 
Қайд этиш керак, Нагаев 2013—2016 йилларда ҳам «темир йўлчилар» шарафини ҳимоя қилганди.  
Маълумот учун, Нагаев «Локомотив»даги фаолияти мобайнида Олий Лига баҳсларида 45 та ўйинда майдонга тушиб, 17 та гол урган. Нагаевнинг сўнгги клуби «Металлург» бўлганди. 
Аввалроқ клуб Жасур Жалолиддиновнинг қайтганини  эълон қилганди . 

***
20 ёшли футболчи ушбу мавсум аввалида Қозоғистоннинг «Қайрат» клубига ижарага берилганди. «Қайрат» бош мураббийи Қурбон Бердиев жамоани тарк этгач, Жалолиддинов билан ҳам шартнома бекор қилинди. 
Ўзбекистон олимпия терма жамоаси футболчиси «Қайрат» сафида 7 ўйинда майдонга тушиб, самара ҳаракатларни амалга оширмади.
20 ёшли футболчи бунгача «Бунёдкор», «Андижон», Россиянинг «Локомотив» ва «Тамбов» клублари шарафини ҳимоя қилган.