Ҳужумчи Луис Суарес «Монца»дан таклиф олди, деб хабар беради Sportitalia.
Клуб директори Андриано Галлиани 35 ёшли уругвайлик футболчи билан шахсан музокара олиб борган. Суаресга 5 миллион евро маош билан бир мавсумлик шартнома таклиф қилинмоқда. Луис Суарес эркин агент ва 2021/22 йилги мавсум охирида «Атлетико»ни тарк этди. Ўтган мавсумда ҳужумчи жамоаси сафида барча мусобақаларда 45 ўйинда 13та гол урди ва 3та голли узатмани амалга оширди. Июнь ойи охирида «Ривер Плейт» уругвайлик футболчига йилига 3 миллион евро маош билан шартнома таклиф қилгани хабар қилинганди. Бироқ Суарес ёзда «Ривер»га ўтмаслигини айтди.
