Решфордга Осиёдан харидор топилди
Саудия Арабистони клублари ёзда Маркус Рэшфордни сотиб олишга ҳаракат қилишлари кутилмоқда.
«Нефтчи» ва «Навбаҳор» клублари ПФЛ билан жорий йилнинг 26 феврал куни тузилган шартнома шартларига тўлиқ риоя қилмаган. Шу сабабли уларда янги футболчиларни MyLeague платформасидан рўйхатдан ўтказиш имконияти мавжуд эмасди.
Ҳар икки клуб ПФЛ билан музокара ўтказиб, Фарғона ва Наманган вилояти раҳбарияти кафолати остида жорий йилнинг 13 декабр санасига қадар шартнома бўйича мажбуриятларни тўлиқ бажариш юзасидан келишувга эришди. Унга кўра, «Нефтчи» ва «Навбаҳор» 9 декабр соат 23:59 га қадар “Суперлига ва Пролига регламенти”да қайд этилган лимитдан ташқари янги футболчиларни Лига рўйхатидан ўтказади. Бироқ юқорида қайд этилган шартнома шартлари 13 декабрга қадар бажарилмаса, 10 декабрга қадар рўйхатдан ўтган барча футболчилар лимит доирасида ҳисобга олинади.
Эслатиб ўтамиз, ПФЛ қарздорлиги бўлмаган ОКМК, «Сурхон», «Динамо», «Андижон», «Бунёдкор», «Қизилқум», «Машъал», «Шўртан», «Қўқон-1912», «Бухоро», «Металлург», «Орол», «Хоразм» ва «Дўстлик» Тошкент клублари ҳам янги футболчиларни Лига рўйхатидан ўтказиши мумкинлиги ҳақида эълон қилганди.
Аввалроқ, «Нефтчи» ва «Навбаҳор» клублари якунланган мавсум учун футболчилар олдидаги қарздорликни ҳамон тўлиқ ҳисоб-китоб қилмай туриб, 2025 йилги мавсум учун янги ўйинчилар билан шартнома имзолаётгани ҳақида хабарлар тарқалганди.
