Nike – алмаштирилмас таъминотчи, фақат...

АҚШ бренди бу масалада футбол дунёсининг етакчи лигаси учун алмаштирилмас ҳамкорга айланиб улгурди. Аммо унутмаслик керакки, Американинг экипировка ишлаб чиқарувчи гуруҳидан олдин бу иш бошқа бир афсонавий бренд зиммасида бўлган. Унинг тўплари айниқса, ҳовлиларда алоҳида қадрланганини ҳам айтиш жоиз.

Ҳа, 21-асрнинг илк йилларига қадар Англия Премьер-лигаси ўйинларида жаҳон бўйича энг қадимий экипировка ишлаб чиқарувчи ва етказиб берувчи гуруҳ саналган Британиянинг Mitre Sports International Ltd компания тўпларидан фойдаланилган. Ҳозирда Mitre нафақат футбол, балки регби жамоалари учун экипировка ишлаб чиқаришда бардавом. 

Компания шунинг баробарида крикет ва нетбол каби спорт турларига мўлжалланган формалар-пойафзаллар йўналишига катта эътибор қаратмоқда. Алоҳида факт шуки, Mitre футбол тўплари ишлаб чиқариш бўйича жаҳонда 3-ўринда бормоқда. Фақат Nike ва Adidas компанияларида маҳсулот ҳажми катта, холос. Яна бир маълумот: футбол тўплари яратиш масаласида етакчи мутахассис Данкан Андерсон айнан Mitre Sports International Ltd компаниясида ишламоқда.