Норчаев машғулотларга қайтди.

Эндиликда  Ҳусайн Норчаевнинг жароҳатдан тикланиш жараёни яхши кетмоқда. Бу ҳақида клуб матбуот хизмати жамоанинг навбатдаги тур олдидан олиб борилаётган машғулоти акс этган суратлар тимсолида маълум қилди.

22 ёшли форвард якка тартибдаги машғулотларни бошлаб юборган. Ҳозирда Ҳусайн залда ва майдонда якка тартибда машқларни бажармоқда. 

Очиғи футболчининг жароҳатидан фориғ бўлаётгани нафақат “Нефтчи” ёки Норчаевнинг ўзига балки барча ўзбек футбол ихлосмандлари учун ҳам қувонарли янгилик бўлди. Сабаби, Ўзбекистон миллий терма жамоасининг келажак авлод ҳужумчиси сифатида кўрилаётган Хусайин яқин орада ўз формасини тиклаб олса катта эхтимол МТЖ йиғинларига жалб этилиши мумкин. Шунингдек, Қатарда ўтказилган Осиё кубогида  жароҳат олган яна бир миллий терма жамоамиз Сергеев ҳам ўз клубида машғулотларга қайтгани маълум қилинганди.