«Олтин тўп» маросими октябрь охирида ўтказилади

France Football талқини бўйича йилнинг энг яхши футболчисини тақдирлаш маросими 28 октябрь куни бўлиб ўтади. Тадбир Париждаги «Шатле» театрида бўлиб ўтади. Номзодлар 4 сентябрь куни эълон қилинади. Ҳаммаси бўлиб 10та номинацияда ғолиблар аниқланади: эркаклар ва аёллар ўртасидаги «Олтин тўп», йилнинг эркаклар ва аёллар жамоаси, энг яхши ёш футболчи учун Копа Трофи, энг яхши дарвозабон учун Лев Яшин номидаги мукофот, энг яхши тўпурар учун Герд Мюллер соврини, хайрия ишлари учун Сократ мукофоти. Шунингдек, 2024 йилдан бошлаб эркаклар ва аёллар футболидаги энг яхши мураббийга соврин берилади. 2023 йилда «Олтин тўп»ни Лионель Месси олган.