Осиё кубоги-2023 қаерда ўтказилади?

ОФК Осиё кубоги-2023 мезбонлик ҳуқуқи учун ариза топшириш муддатини 2 ҳафтага, 15 июлга қадар узайтирди. Эслатма, Хитой май ойида чемпионатни қабул қилиш ваколатидан воз кечгач, ОФК шошилинч тарз­да унинг ўрнига бошқа мезбон қидирмоқда. Энди Хитой билан бир вақтда «заявка» берган, бироқ кейинчалик аризасини қайтариб олган Жанубий Корея кутилмаганда бош фаворитга айланди. Бироқ 4 йил давомида корейс футболи структурасида кўп нарса ўзгарди ва кўринишидан, янги раҳбарият  ОК-2023ни қабул қилиш асносида тарихга киришни хоҳламоқда. Тўғри, муддатнинг узайтирилгани ОФК қизиқувчи мамлакатлардан ҳужжатларни қабул қилишга улгурмаганидан далолат. Конфедерация қўшимча икки ҳафта хоҳловчилар учун биринчи «заявка»ни жўнатишга етарли бўлишидан умидвор.