Пахтакор эртага янги бош мураббийи тайинлаши мумкин

Хабарларга қараганда, "Пахтакор" ушбу матбуот анжуманида янги бош мураббий номини эълон қилмоқчи. 1975 йилда туғилган португалиялик Педро Морейра "шерлар"нинг янги устозига айланиши кутилмоқда. Айни пайтда мураббий ўз юристлари билан бирга Тошкентда бўлиб турибди.

Маълумот учун Педро Морейра 2009-2012 йилларда "Спортинг" ёшлар жамоаси бош мураббийи бўлган.

Кейинчалик "Пасуш Феррейра", "Порту", "Брага", "Шахтёр" (Украина), "Рома" (Италия) каби клубларда Пауло Фонсеканинг штабида ёрдамчи мураббий бўлиб фаолият олиб борган. "Торренсе" ва "Каза Пия" (иккаласи Португалия) клубларида эса бош мураббий бўлиб ишлаган.