Салим Мустафоев: "Бизга етишмаган ягона жиҳат - барқарорлик"
Вадим Абрамов бошқарувида Суперлигага қайтган Самарқанд «Динамо»си жорий мавсум ўз олдига катта мақсадлар қўймаган бўлсада, мазмунли ўйинлари билан ижобий таассурот уйғотди кўпчиликда
Гап 16 миллион реал (3,3 млн. доллар) ҳақида кетмоқда. Таъкидланишича, Бразилияда ҳали ҳеч ким бу даражада катта жарима тўламаган экан.
Кейинги фаолияти масаласида ҳали якуний тўхтамга келмаган «ПСЖ» ҳужумчиси экология муҳофазасига доир чамаси 10та қонунни бузганликда айбланди. Аниқроғи, Бразилия миллий жамоаси юлдузи Рио-де-Жанейро теварагида жойлашган Мангаратиба шаҳрида қад кўтарган кошонаси ҳудудида сунъий кўл барпо этишда соҳил табиатини асрашга қаратилган бир қатор қонунлардан четга чиққан. Sky News хабарига қараганда, 31 ёшли ҳужумчига нисбатан жиддий молиявий чора кўриш ташаббуси Бразилия ҳукуматидан чиққан. Муҳокамалар якунида кўпчилик 16 миллион реал (3,3 млн. доллар ёхуд 2,6 миллион фунт стерлинг) миқдорида жарима белгилашни ёқлаган.
Ҳозирча Неймарнинг ўзи бунга қандайдир изоҳ бергани йўқ. Футболчининг адвокатлари ҳам сукут сақлашмоқда. Мангаратиба мэрияси баёнотида қайд этилишича эса, футболчи ҳашаматли кошонасида кўл барпо этишда экология қонунларига мутлақо бефарқ қараган. Айбловлар эса чиндан ҳам, анча жиддий: дарё ўзанини буриш, тошларни силжитиш, пляж қурилиши учун рухсат этилмаган жойдан қум олиш, ноқонуний ер қазиш, мавжуд ўсимликларни йўқ қилиш ва ҳоказо... Шу тариқа қурилиш ишлари тўхтатиб қўйилди. Қўшимча қилинишича, Неймар кўл лойиҳасига чамаси 120 минг реал (25 минг доллар) сарфлашга улгурганди.
