Роналду музокарага киришди

39 ёшли ҳужумчи профессионал фаолиятини тўхтатиш ҳақида ўйлаётгани ҳам йўқ. Таниқли инсайдер Николо Скиранинг маълум қилишича, Роналду «Ал-Наср» билан ҳамкорлигини узайтирадиган бўлди. Айни пайтда томонлар 2025 йилнинг ёзида тугайдиган шартномни узайтириш учун музокара бошлаган. Роналду 2026 йили бўладиган жаҳон чемпионатида иштирок этмоқчи. Шу боис, унга мунтазам ўйин амалиёти керак бўлади. Рекордларни уришни яхши кўрадиган португалиялик юлдуз мундиалда иштирок этса, 6та жаҳон чемпионатида ўйнаган ягона футболчига айланади. Бундан ташқари, Роналду расмий учрашувлардаги умумий голлари сонини 1000тага етказиб қўйишни режа қилган. Ҳозир унинг ҳисобида 903та гол бор. Ва унинг ҳар бир киритган тўпи янги рекорд сифатида қайд этилаверади.