Роналду Саудиянинг «Ан-Наср»га ўтса, 2,5 йилда 200 млн евро маош олар экан!

By Хўжа Абдулаҳад AA 30 Nov, 2022 6 mins read 822 views

0 comments 0 likes

Роналду Саудиянинг «Ан-Наср»га ўтса, 2,5 йилда 200 млн евро маош олар экан!

Тасдиқланмаган манбаларга кўра Португалия миллий жамоаси форварди бўлган "мегаюлдуз" Криштиану Роналду фаолиятини Осиёда давом эттириши мумкин.

Испаниянинг Marca газетасида берилган хабарига кўра, 37 ёшли Кришга Саудия Арабистонининг «Ан-Наср» клуби билан шартнома имзолашга яқин турибди. Томонлар дастлабки келишувга эришишга яқин туришибди.

Қайд этилишича, Роналду араб клуби билан 2,5 йиллик шартнома имзолаб, Ар-Риёд жамоасида 2024 йил охиригача 200 миллион евро маош олади. Ҳозирда эркин агент саналадиган юлдуз футболчига Саудия клубидан бошқа ҳеч бир жамоадан футболчининг молиявий талабларини кўтара оладиган таклиф тушмаган.
CBS Sports Golazo журналисти Бен Жейкобснинг ёзишича, араб клуби Роналдуга расмий таклиф жўнатган ягона жамоа бўлиб турибди. Футболчининг агенти Жорже Мендеш «Ан-Наср»нинг ёздаги таклифини рад этган эди, бу сафар мижозининг ушбу клубга ўтишини истамоқда.

Эслатиб ўтамиз, Роналду ўтган ҳафтада «Манчестер Юнайтед»ни расман тарк этиб эркин агентга айланган эди.

Айтганча, ушбу «Ан-Наср» сафида миллий терма жамоамиз ярим ҳимоячиси Жалолиддин Машарипов фаолият кўрсатмоқда.