«Сити» ўз рекордини такрорлади

Пеп Гвардиола шогирдлари АПЛнинг 27-турида «Манчестер Юнайтед»ни 3:1 ҳисобида мағлуб этишди. «Шаҳарликлар» кетма-кет 55-баҳсда тўп киритишди ва клуб рекорди такрорланди. Охирги марта «Сити» «Этиҳад»да 2022 йил 9 мартда «Спортинг» (0:0) дарвозасини ишғол этолмаганди. «Манчестер Сити» ўз майдонидаги навбатдаги беллашувни 6 март куни ЕЧЛ 1/8 финали доирасида «Копенгаген»га қарши ўтказади ва бу ўйинда ҳам гол урса, рекорд янгиланади.