Суперлига мавсум якунлари бўйича энг яхшилар аниқланди!

Унга кўра ПФЛ 2024 йил якунлари бўйича Ўзбекистон чемпионатининг энг яхшиларини аниқлаб мукофотларни ўз эгаларига топширди.

Унга кўра йилнинг Суперлига-2024нинг энг чиройли голи муаллифи - Марко Миличкович!

ПФЛ "Металлург" футболчиси Марко Миличковичнинг 90+8-дақиқада "Пахтакор" дарвозасига киритган голини мавсумнинг энг чиройли голи сифатида эътироф этди.

Энг яхши ёш футболчиси - Абдуғофур Ҳайдаров!

«Сурхон»нинг 19 ёшли ҳужумчиси 12та ўйинда 7та гол урди.

Мавсум кашфиёти - Анваржон Ҳожимирзаев! 

30 ёшигача асосан Пролигада ўйнаган «Динамо» ҳужумчиси якунланган мавсумда Суперлигада энг кўп гол (10) урган ўзбекистонлик футболчи бўлди.

Энг яхши ҳаками - Шавкат Насибуллаев!

Fair Play соврини - ОКМК клуби!

Энг яхши хорижлик футболчиси- Владимир Йовович!

Черногориялик яримҳимоячи Ўзбекистондаги дебют мавсумини «Сўғдиёна»да ўтказди ва 8 тадан гол ҳамда ассистни ўз ҳисобига ёздириб қўйди.

Энг яхши мураббийи - Рўзиқул Бердиев! 

Рўзиқул Бердиев Ўзбекистон чемпионатида 2024 йилнинг энг яхши мурабийи деб топилди. 

53 ёшли мутахассис якунланган мавсумда «Насаф» билан илк бор мамлакат чемпионлигини қўлга киритди. 

Номзодлар орасида «Андижон»га биричи марта Ўзбекистон Кубоги ғолиблигини келтирган Александр Хомяков ва ОКМКга ўз тарихидаги энг яхши натижани (2-ўрин) тақдим этган Миржалол Қосимов ҳам бор эди.

Энг яхши футболчиси - Акмал Мозговой!

«Насаф» яримҳимоячиси Акмал Мозговой Ўзбекистон чемпионатида 2024 йилнинг энг яхши футболчиси деб топилди. 

24 ёшли футболчи ўтган мавсумда 23 ўйинда 4 гол ва 1 ассистни ўз ҳисобига ёздириб қўйди. Акмалнинг «Локомотив» (1:0) дарвозасига қайчи услубида урган голи Қарши клубига илк чемпионликни келтирди.

Номзодлар қаторида «Насаф» дарвозабони Абдувоҳид Неъматов ва «Динамо» яримҳимоячиси Анваржон Ҳожимирзаев ҳам бор эди.

Йил тўпурари - Драган Черан