Тчуамени «Реал»га ўтишга яқин

22 ёшли футболчи Мадриднинг «Реал» клуби билан келишувга эришган. Томонлар 5 йиллик шартнома борасида келишиб олган, дея хабар беради RМC Sport. «Қаймоқранглилар» футболчи учун 80 миллион евро ва қўшимча бонуслар тўлаши айтилмоқда. Французга «ПСЖ»дан ҳам жиддий қизиқиш бор. Парижликлар Тчуаменининг агентлари билан боғланган ва трансфер борасида музокара ўтказган. Унинг трансферини Килиан Мбаппе хоҳламоқда. Аввалроқ Килиан Мбаппе трансфери барбод бўлгач, «Реал» Орельен трансферига диққатини қаратгани хабар қилинганди. Орельен «Бордо» тарбияланувчиси ҳисобланиб, 2020 йилнинг ёзида 18 миллион евро эвазига «Монако»га ўтганди. Тчуамени жорий мавсум «Монако» сафида Франция чемпионатида 35та ўйинда иштирок этиб, 3та гол ва 2та голли узатмага муаллифлик қилди.